الرئيسية
الثلاثاء مارس 12, 2024 1:13 pm
المشاركات
نقاط التميز
العمر
من طرف السلام عليكم ورحمة الله تعالى وبركاته
جوج رجال تلاقاو ف القهوة.
الأول سول التاني: مجوج؟
قال ليه: اه، مجوج بمرا.
قال ليه لاخور: علاش عمرك شفتي شي واحد مجوج براجل
قال ليه: اه
قال ليه لاخور: شكون؟
قال ليه: ختي.
واحد البنت مشات لواحد المكتبة، وسولت مولاها : عندك شي كارت بوسطال فيها "إلى حبي الوحيد"؟
قال ليها: عندي.
قالت ليه: عطيني شي سبعة
هادو جوج بنات وحدة زوينة ووحدة خايبة تقدموا لشركة بطلب باش تكون وحدة فيهم سكرتيرة
مشاو لعند المدير وقال ليهم: أنا ما كيهمنيش الجمال، أنا كتهمني الكفاءة. غنسول كل وحدة فيكم سؤال باش نشوف شكون اللي تستاهل الخدمة.
سول البنت الزوينة: ماهي بلد المليون شهيد؟
قالت ليه: الجزائر.
قال ليها: ممتاز.
و هو يسول الخايبة: ما هي أسماء المليون شهيد؟
واحد جاتو الفاكتورة ديال الما غالية بزاف
عيط للشركة ديال الما قال ليهوم: أهياوينا، ياكما الشتا هاد العام على حسابي؟
هادا واحد خينا محشش مع راسو، وجاه البرد بزاف
ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.
واحد المرا طلعات للطوبيس هازة ولدها الصغير
شاف الشيفور ف ولدها وقال ليها: هادا أخيب ولد شفتو ف حياتي
المرا طلعات للطوبيس غضبانة وبقى فيها الحال بزاف
جلسات حدا واحد الراجل وقالت ليه: هاداك الشيفور قلل من قيمتي
قال ليها الراجل: سيري ليه وطلبي منو يعتادر ليك، وأنا غادي نشد ليك القرد ديالك
هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.
فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.
دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.
تخباو فالضلام وبقاو شي نص ساعة لا حس لا نفس.
شوية واحد فيهم نغز اللي حداه وقال ليه: ما عرفتش أشنو طرا بالشيفور!
قال ليه لاخور: راني أنا الشيفور أخويا ، ها العار قولوا لي أشنو واقع.
واحد الراجل سول صاحبو: تعرف تعوم؟
قال ليه صاحبو: لا، ما كنعرفش.
قال ليه لاخور: هي الكلب حسن منك حيت كيعرف يعوم.
قال ليه صاحبو: ونتا كتعرف تعوم؟
قال ليه لاخور: اه كنعرف
قال ليه صاحبو: هي بحالك بحال الكلب.
