الرئيسية
الجمعة نوفمبر 15, 2024 2:32 pm
المشاركات
نقاط التميز
خبرة اللعب
العمر
من طرف وحدة توها والده وعقب الأربعين قالت تبي تكشخ لأبو الشباب عقب النفاس وكذا
فـ شنو سووت الحلوة .. راحت وشرت لها ديكورات وشموع وحركات يعني على أساس بتدخله جو وسوالف ليلة حمرا وإلخ ههههههه
فقعدت تفكر تبي تسوي حركة جديدة .. شسوي شسوي
آخر شي خطرت على بالها فكرة راحت شرت لها قفص كبير .. آي قفص شفيكم
المهم ..
وقامت كشخت ولبست ذاك اللبس .. وذاك المكياج وتضبطت ع الآخر
ونومت ولدها بالغرفة اللي يمها ..
واتصلت على زوجها وقالت له : إذا خلصت من الديوانية وبتجي البيت عطني خبر
المهم شوي دق عليها زوجها وقالها أنا بالطريق ... أبكر من الوقت اللي هي متوقعته
قامت بسرعه وشالت ولدها وودته الغرفة وهو نايم طبعاً
وتدخل داخل القفص حقها .. وتقفل على نفسها .. وترمي المفتاح برا القفص
تتوقعون ليه ..؟!
أنا أقولكم ليه ..
عشان تبي تشغل له أغنية الجسمي أول مايدخل " عمرك سمعت بطير ويحب سجانه "
ويجي ويآخذ المفتاح ويفتح لها القفص < مسوية بطلة فيديو كليب على غفلة هههههههههههه
بنات ترى هالسالفة جد صايرة هههههههه
المهم لما قطت المفتاح وتنتظر أبو الشباب يدرعم
وتنتظر .. إلا يصيح ولدها ويصيييح .. والحلوة داخل وقافلة على نفسها ماحسبت حساب هالشي هههههههههههه
تأخر الزوج والولد تقطع من الصياح .. شوي وتسمع أم زوجها صياح الولد وتجي تبي تنادي الأم وتدخل عليها بالغرفة
إلا وتشوفها داخل القفص قالت لها : شمهببه بروووحك .!! والأخت ماتت من الإحرااااج
من جد موقف لا تحسد عليه مع قميص النوم والقفص صج احراااج
نصيحة يامتزوجات انتبهوا لا تعيشون الدور كثير وتسوون لي فيها فتيات فيديو كليب
تحياتي : twitter
